Shillong, Nailar 28 : Ka Hynniewtrep Achik National Movement (HANM) ha ka sngi Nyngkong, kala ujor da ka ejahar pyrshah ia u nongtrei ka Meghalaya Cement Limited (Topcem) bad u nongbud jong u halor ka jingkynnoh ba ki kynshoit ban thombor ia ki paidbah kiba pyrshah ia ka public hearing ha Thangskai myn ha ka 24 tarik Nailar.
Ha ka ejahar bala aiti ha u Officer In-charge ka Lumshnong Police Station, ka HANM kala ong “Kat kum ka video bala mih ha ki social media, u Arun Kejriwal bad u nongbud jong u, la iohi shai ba ki kren ktien sih bad pynmih ia ka jingkulmar haba jia ha Thangskai”.
Kane ka Seng kala dawa ruh ia ki Pulit ba kin leh eiei da kaba kem ia kine ki briew.
Ha kajuh ka por, ka HANM kala phah ruh ia ka shithi sha u Director ka MCL ba dawa ia ka bor pyniaid ka kompani ba kan wengkam mardor ia u Kejriwal bad ia u nongbud jong u na ka kompani. Kala byrngem ruh ban iakhih lada ka kompani kam lah ban pynurlong ia kane ka jingdawa.
Pule lang ia kane: Pan map ka TOPCEM bad sospon ia ki Nongtrei ba kren ktien sih ia ki paidbah ha Thangskai
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
