Shillong, Nailar 28 : Ka Meghalaya Cement Limited (TOPCEM) ha ka sngi Nyngkong, kala panmap ia ki paidbah bad weng kam shipor ia ki arngut ki Nongtrei kiba kren ia ki ktien sih ha ka jingiakhih jong ki paidbah ban pyrshah ia ka Public Hearing bala pynlong na ka bynta ban pynheh ia ka project jong ka kompani myn ha ka 24 tarik Nailar.
Ka kyrwoh ka ong “Ka bor pyniaid ka Meghalaya Cement Ltd (Topcem) ka pan map halor ki kyntien bala pynmih da ki nongtrei ha ka jingiakhih ki paidbah ban pyrshah ia ka public hearing ba long ha ka 24 tarik Nailar”.
“Katba ki Pulit ki dang pyrshang ban beh ia ki nongiakhih kat kum ka jingbthah jong ki Heh Pulit, arngut na ki nongtrei jong ngi kila pynmih iaka ktien sih ha katei ka por bad ia kane ka jingjia la pynrem jur da ka kompani” kala ong.
“Ka bor pyniaid ka MCL kala shimkhia bha halor kane ka jingjia bad kala wengkam mardor ia kine ki Nongtrei. Ka kompani ka pan map biang sa shisien ia baroh ki paidbah trai shnong namar kane ka rukom pyni jinglong jong ki nongtrei jong ngi” kala bynrap.
Ka kyrwoh kala ong ruh “Ngi kular ba ka MCL kala kut jingmut ban ialeh ha ka ban pynneh ia ka jingsuk,jingsain bad ka jingshngain iala ki nongtrei bad ki nongshongshnong ba marjan kiba don jingiadei bad ka kompani jong ngi bad kular ruh ba kan ym jia shuh kum kine ki jingjia hadien habud”.
Pule lang ia kane: Sam u PM ia ki shithi thungkam sha palat 51000 ngut ha ka Rozgar Mela
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 ka pan map halor ki kyntien bala pynmih da ki nongtrei ha ka jingiakhih ki paidbah ban pyrshah ia ka public hearing ba long ha ka 24 tarik Nailar”.){kind=link}