Shillong, Nailar 28 : Arngut ki khynnah ialehkai ka Jylla Meghalaya, kila shah jied ban iadonlang ha ka kynhun Under-16 jong ka India ki ban leit ialehkai ha ka South Asian Football Federation (SAFF) U-16 Championship 2023.
Kine ki arngut ki Khynnah ialehkai ka Meghalaya ki dei u Manbhakupar Malngiang bad u Aiborlang Kharthangmaw.
Ka All India Football Federation (AIFF) kala pynbna ia ka jingkynthup lang ia kine ki arngut ha ka kynhun ba 23 ngut hapoh ka jingialam u Ishfaq Ahmed kum u Coach.
Ka SAFF U-16 Championship 2023 kan sdang ha ka 1 tarik Nailur bad kan iaid haduh ka 10 tarik ha Thimphu, kaba dei ka Nongbah jong ka Bhutan. Ka Kynhun ialehkai ka India kala rung ha ka Group A ba iadonlang ka Nepal bad ka Bangladesh.
Ki artylli ki kynhun kiba kamai bun point eh na man kawei pa kawei ka group kin ioh jam sha ka kylla kaba bud, kata ka semi phainal ha kaba ka kynhun ialehkai ka India (lada ka ioh rung) kan iakynduh ia ka kynhun ka Bhutan, ka Maldives lane ka ri ba marjan ka Pakistan.
Pule lang ia kane: Iap u rangbah briew ba syllad ka kali ha Lad Umpih
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
