Iap u rangbah briew ba syllad ka kali ha Lad Umpih

Nongpoh, Nailar 27: U wei u rangbah u la khlad noh hadien ka jingshah syllad ha kawei ka kali ka bym shem la iohkem satia, kaba la tynrah ia u ne u rangbah katba u dang iaid ban leit phai sha la iing ha ka surok Umsning Bypass ha ka shnong Lad Umpih, Ri Bhoi District.

U ne u rangbah briew u ba la khlad noh ha katei ka jingjia, la tip kyrteng kum u Bah Hamaroy Cajee (56) u ba trei ha ka tnad Agriculture Shillong. Kane ka jingjia ka la jia ha ka por ba u dang wanphai na la ka jaka trei ban leit iing.

Ka khubor ba la iohlum, kane ka jingjia ka la jia hynnin ka janmiet bad katto katne ngut ki riew paidbah kiba lap ia u ne u rangbah hapdeng ka jingmynsaw kaba jur, ki la pynkit marmar sha Umsning CHC ban ioh ia ka jingsumar hynrei ki doctor ki la pynbna ba u ne u rangbah u la khlad lypa ha lynti.

Ki pulit ka Umsning Police Station, ki dang pynlong ia ka jingtohkit halor kane ka jingjia ban lapdien ia ka kali kaba la syllad ia u ne u briew.

Pule ruh: Jop ka samla Chevinia Lyngdoh ia ka Vocal Star Unsigned 2023

PEIT:

Ka rynsan khubor digital ba pura ka Meghalaya da ka ktien Khasi.

Balei ban ap ia ka lashai, haba ki khubor ki mih mar syn jia!

Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!