Shillong, Nailar 27: Ka long ka jingsngewsarong iaka jylla bad iaka jaidbynriew, lyngba ka jingjop jong ka Chevinia Lyngdoh, ia ka Vocal Star Unsigned 2023 Final-Solo bad Under 18 mynta u snem.
Ka Chevinia Lyngdoh, kaba la rwai iaka jingrwai “Rolling In The Deep” daka sur kaba sngewtynnad bha bad kane ka jingdon sap kyrpang ka jongka kala pynum iaka dohnud jong ki nongbishar bad kumjuh ia ki paid nongpeitkai.
Kane ka jingjop kam dei tang ka jingjop jong kane ka khynnah kynthei bad iaka iing ka sem jongka hynrei kala nang kyntiew ruh iaka nam jong ka jylla Meghalaya kaba ki briew ki ieid bah iaka rwai ka siaw bad iaka tem ka put.
Ka Vocal Star Undersigned for Solo bad Under 18, kadei ka jingiakob kaba kongsan kaba ailad ia ki khynnah bad ki samla na kylleng ki ri ba kin pyni iala ka sap ka phong kaba ki don kyrpang ha ki.
Ka jingjop ka Chevinia ia katei ka jingiakob kam thew eh tang iaka jinglah shimet ka jongka bad iaka jingtrei shitom met bad mynsiem hynrei kane kan ai mynsiem wat ia kiwei pat ki nongrwai kiba don haka thaiñ.
Ha kawei pat ka liang, ki paidbah kiba pyndonkam ia ka social media kila iaroh iaka jingtbit rwai jong ka Chevinia bad kila pynsaphriang ruh ia kitei ki Video kiba kane ka khynnah kala rwai.
Pule ruh: Bat ka AHAM ia ka kali ba khaii beain ia ki diengkseh na Khlaw Songsak
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
