Agartala, Nailar 27: Hashuwa ka elekshon shiteng samoi ha Tripura, u Khluehduh ka Tipra Motha Pradyut Kishore Manikya Debbarma ha ka sngi Saitjain, ula iakynduh ia u Myntri kam pohiing ka Ri u Amit Shah ha Delhi.
Ka Elekshon shiteng ha Tripura kan long ha ka 5 tarik Nailur ha ki artylli ki Assembly Constituency.
“U Pradyot Manikyaju ula shong ia ka jingialang ba seisoh bad u Myntri kam Pohiing Amit Shah ha Delhi hynne ka sngi. Kila iakren halor ki jingiakren ba dang iaid mynta lem bad ka hok bad ka bha ka miat jong ki paid riewlum ka Jylla. Ka dei ka jingiohi jngai jong u Myntri Rangbah Duh ka Ri ban pynthikna ia ka hok bad aibor ia ki paidriewlum ka Tripura lem bad ka Ri baroh kawei” ong u Nongaitien ka BJP bad Coordinator ka North East Sambit Patra ha ka X kaba dei mynshuwa ka Twitter.
Ka khubor kala ong ba ka jingialang ka dei kaba kongsan bha ha ka kam sain pyrthei khamtam hadien baka CPI(M) dang shen kala iakren bad ki seng riewlum bad pan jingkyrshan na ka bynta ka elekshon shiteng samoi ka ban long ha Dhanpur bad Bozanagar ha Sapahijala District.
Ha ki rynsan social media, une u khliehduh ka Tipra Motha ula pynpaw ba ka party jong u ka lah ban nym kyrshan ia ka CPI (M) kaba la pynieng ia ki kyrtong ha kane ka elekshon shiteng samoi.
Ka elekshon shiteng samoi ha Boxanagar ka dei kaba la pynlong halor ka jingkhlad noh u MLA ka CPI(M) Samsul Haque. Ha Dhanpur pat ka dei namar ka jingiehnoham jong u MLA hadien ba ula shah jied kum u Myntri ha ka Sorkar Pdeng u Pratima Bhoumik.
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
