Nongpoh, Nailar 20: Ka Confederation of Ri Bhoi People (CoRP) ha ka sngi Saitjain, ka la khang tala ia kawei ka karkhana sain jri (Rubber Factory) kaba don ha ka shnong Mawsmai, Ri Bhoi District hadien ka jingshem ba kane ka karkhana ka la treikam mynta la bun bun snem khlem da don ia kino kino ki kot ki sla kiba dei ban ioh na ka sorkar Meghalaya.
Kane ka Seng bala lamkhmat da u Working President Pateng Myrsing bad Vice President Juban June Swer, kala leit ban khynra ia kane ka karkhana hadien ka jingioh jingtip ba kane ka karkhana la kynnoh ba kala treikam be-ain la bun bun snem.
Haba kren bad ki Nongthoh Khubor, u Bah Pateng Myrsing u la iathuh ba ka seng ka la ioh jingtip halor ka jingdon jong kane ka karkhana sain jri ha ka shnong Mawsmai 11 Mer kaba la pyntreikam beain da u bar jylla ba la tip kyrteng kum u Rohit Kapoor.
Ula ong ba une u briew ula pyniaid ia kane ka karkhana khlem da ioh ne pynbiang ia ki kot ki sla kiba dei ban shim na ki tnad treikam jong ka sorkar jylla.
U la iathuh ruh, ba ka seng ka la iakynduh ia u kpa jong u Rohit Kapoor bad kala pan ia ki kot ki sla ban pynshisha, hynrei u tei u rangbah um shem la lah satia ban pyni ba kane ka karkhana ka dei kaba la ioh jingbit.
Ula kynnoh ba ka seng kala wad jingtip ruh kaba bniah ia ka jingtreikam kane ka karkhana bad shem ba u Rohit Kapoor um ju siew khajna satia kat haduh mynta sha ka Sorkar jylla.
Namar kine ki jingshem, ka Seng kala khang tala noh ia kane ka karkhana bad aipor ruh ia u trai jong kane ka karkhana ba un pynbiang shuwa ia ki kot ki slab a donkam khnang ba un lah ban plie biang ia ka.
Pule lang ia kane: Assam : Pyniap u Kpa iala I Khun ba 11 sngi namar bym lah ban die haduh T. 4 lak
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
