Shillong, Nailar 18: Ki saw ngut ki dkhot ka National Liberation Council of Nongkyndong (NLCN) na Ri-lum Jaintia, ha ka sngi Thohdieng la wan ialam sha Nongbah Shillong bad rah tian bishar hakhmat ka Iingkashari, kaba la phah ia ki sha ka police custody ba 10 sngi ban tohkit bniah da ki Pulit.
U Deputy Inspector General of Police (Eastern Range) Davis NR Marak ula pyntip ba ka jingkem brew ka dang long tang 11 ngut bad ym pat shym la ioh kem thymmai satia iano iano ruh.
“Tang kito ki saw ngut, kiba la shah kem ha Jowai, la wan ialam bad rah tian bishar sha Iingkashari hynne ka sngi” ula ong. Ka Iingkashari kala phah ia ki sha ka police custody ba 10 sngi.
Haduh mynta, 11 ngut ki dkhot ka NLCN kila shah kem bad ia kine baroh la wan ialam noh sha Shillong ban pynlong ia ka jingtohkit kaba bniah.
Arngut kynthup kawei ka Longkmie bad uwei u Dkhot, la wan ialam hynne ka sngi na Jowai bad ki don mynta ha Hospital.
Kane ka Longkmie kala kam ba kala armet kumba 3 bnai eiei hynrei haba leh test, la shem ba kam shym la armet satia. Namar kata, ki doktor kila bat ia ka ha hospital ban ioh khmih bniah.
U DIG u pyntip ba ka jingkhynra ka dang iaid shakhmat ban ioh kem ia kiwei kiwei ki dkhot ka kynhun. “Ngi khmih lynti ban kem shuh shuh ia ki briew ha kine ki khyndiat sngi ban wanhynrei kane kan urlong tang hadien ba ngi la ioh tohkit ia kiba shah kem, kiba don hapoh ka police custody”.
Pule ruh: Maham ka HBDRF ia ki Karbi ban ym thaw jingkulmar ne wanrah jingsngew iapher jaidbynriew ha Block-I
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 na Ri-lum Jaintia, ha ka sngi Thohdieng la wan ialam sha Nongbah Shillong bad rah tian bishar hakhmat ka Iingkashari, kaba la phah ia ki sha ka police custody ba 10 sngi ban tohkit bniah da ki Pulit.){kind=link}