Shillong Nailar 18: Ka Jaintia Students’ Union (JSU) hynne ka sngi Thohdieng, kala kyntu iaka Karbi Students’ Association (KSA) ba kadei ban sangeh shi syndon iaka jingkren kaba lah ban ialam sha ka jingiakynad hapdeng ki paidbah kiba sah haka Thaiñ Block-I bad ki paidbah ki don ia ka hok ban dawa ban pynphai biang ia ka thain sha Meghalaya.
“Ngi banjur ia ki nongialam ka KSA ba kadei ba nsangeh ia kano kano ka jingai kren kaba lah ban ialam sha ka jingiakynad hynrei kadei ban ailad ia kipaidbah ba kin rai kylluid hi nalade” la pynpaw ka JSU ha ka kyrwoh khubor.
Ka JSU kala ong ruh ba ka Block 1 kam dei satia kaba hap hapoh jong ka Constitutional Boundary ne Agreement bad ha ka jingshisha la shu weng jubor na ka United Khasi Jaintia Hills na ka bynta ban bit ban biang ha ka kam ai jingshakri ka sorkar ha u snem 1951.
“Ngi sngew ba ki paidbah ha Block 1 ki don ia ka hok ban dawa ban wanphai biang sha ka rilum Jaintia jong ka jylla Meghalaya,” la pynpaw ka JSU.
Ka JSU kala maham ruh ia ki nongialam bad iaka seng KSA ba kadei ban shim iaka jingkitkhlieh lada mih kano kano ka jinghuri hura hapdeng ki jaidbynriew hapoh ka jylla Meghalaya bad Assam.
Pule ruh: Bat bad beh ka HNYF bad JPWO ia ki Nongbylla bar jylla ka Dhar Company na WJH
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 hynne ka sngi Thohdieng, kala kyntu iaka Karbi Students’ Association (KSA) ba kadei ban sangeh shi syndon iaka jingkren kaba lah ban ialam sha ka jingiakynad hapdeng ki paidbah kiba sah haka Thaiñ Block-I bad ki paidbah ki don ia ka hok ban dawa ban pynphai biang ia ka thain sha Meghalaya.){kind=link}