Shillong, Nailar 16: Kum shi bynta ban rakhe iaka jingdap 77 snem ka jingioh laitluid ka ri India, ka ICAR kala rakhe iaka sngi laitluid haka phang pdeng ‘Nation First, Always First’ kaba ba u Director ka ICAR u Dr. V. K. Mishra ula ainam iaka Guest House thymmai haka kyrteng jong u U Tirot Sing Syiem u riewkhraw ka Meghalaya.
Ha kane ka sngi la don lang ki Scientist, Administrative, Technical bad ki nongtrei ka ICAR.
Haba kren ha kane ka sngi u Dr. V. K. Mishra ula iaroh iaki riewkhraw ka ri bad ka jyla kiba la len ialade naka bynta ban ioh ka jinglaitluid naka jingshah synshar donbor haka sorkar phareng.
U Dr. V. K. Mishra ula kyntu iaki para nongtrei ba kin ieid ban shakri hok iaka kam ba ki trei bad ban burom iaki jigntei hapoh kane ka jaka trei.
Ula ong ba U Tirot Sing Syiem udei u nongialeh ba kyrpang uba la don bynta haka thma Anglo-Khasi War kum ka jingialeh ban ioh laitluid naka jingshah synshar donbor haka sorkar phareng ha ki snem 1829-1833.
Nalor kane ula ong ba kala biang palat ka por ban ainam ia u Tirot Sing Syiem hapoh ka “Amrit Kaal Mahotsav” jong ka India bad dei namar kane la ainam thymmai iaka Guest House kum ka ‘U Tirot Sing’ Guest House’.
Ha kane ka sngi u Director ka ICAR ula plie paidbah ruh ia u Motdur jong U Tirot Sing naka bynta ban long ka jingpyntip iaki paidbah bad iaki nongtrei ha kane ka jaka.
Pule lang ia kane: Assam : Kem ki Pulit ia u Heh BJP halor ka jingiap ka Nongialam ka BJP Kisan Morcha
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
