Nongpoh, Nailar 16: Ka Patharkhmah Civil Sub Division ka la ioh ban rakhe ia ka jingleh kmen sngi laitluid ka Ri India kaba 77 da ki prokram kiba iphuh iphieng bad kane ka jingrakhe ka dei ruh ka sien kaba nyngkong ba ka Patharkhmah kan rakhe ia kane ka sngi kyrpang kum ka Civil Sub Division kaba pura.
Ha kane ka jingrakhe ia ka 77th Independence Day ha Patharkhmah Civil Sub Division la wan ban pynher ia ka lama lai rong ka ri India da u Bah Sosthenes Sohtun, MLA ka Jirang Konstituensi bad ruh u Chief Whip ka sorkar jylla kum u kongsan ha ka jingiadonlang ruh u Bah MB Tongper, Sub Divisional Officer (Civil), u Bah B. Diengngan, Additional Superintendent of Police nalor kiwei kiwei ki ophisar jong kane ka Civil Sub Division.
Haba kren ha kane ka sngi, u Bah Sosthenes Sohtun, u la pynshai sha ki paidbah halor ka thong bad ka jingtreikam jong ka sorkar jylla ha kine ki khyndiat snem khamtam ka jingpyntreikam ia ki kam pynroi bapher bapher kiban pynmyntoi ia ka jylla bad ki paidbah nongshong shnong ka jylla Meghalaya.
Ha ka jingiakren bad ki Nongthoh Khubor , u Bah Sohtun u la pynpaw ia ka jingkmen kaba khraw ba un ioh ban shim ia ka bynta ban pynher ia ka lama lai rong jong ka ri India hadien ka jingpynurlong ia ka jingangnud u paidbah ka Jirang Konstituensi ban kyntiew kyrdan ia ka Patharkhmah Administrative Unit sha ka Civil Sub Division kaba pura.
U la pynpaw ruh ba ha ki khyndiat snem, ka sorkar jylla ka la lah ban pynurlong ia shibun ki jingthrang jong u paidbah ha kaba ia dei bad ki lad pynroi bapher bapher naduh u surok, ka jaka sumar ba paka, ka jingpynbiang umbam umdih bad ka pule ka puthi kaba paka, ha kaba u da kyrmen skhem ruh ba kane ka Konstituensi jong ka Jirang kan nang iai kiew iai roi na kawei ka por sha kawei pat da ka jingiatreilang ki riew paidbah naduh ki nongialam shnong, ki nongialam jong ki kynhun bapher bapher ban kyntiew ia ka bha ka miat jong ka imlang ka sahlang hi baroh kawei.
La pynshongkun ia kane ka jingrakhe da ki prokram kiba iphuh iphieng naduh ka March pass, ki Cultural programme ba la shimbynta da ki skul ka thain Patharkhmah, ka jingiakhun ia ka football bad ka cricket kaba la pynshongshit ia ki paidbah ka Ri Bhoi Sepngi kiba la wan shimbynta ha kane ka jingrakhe.
Na ka liang ka ophis u SDO (Civil) ka Patharkhmah ka la sam ruh ia ki khusnam sha ki kynhun nongjop kiba la shimbynta ha ki prokram ba la pynlong ha kane ka sngi rakhe sngi laitluid naduh ka Marathon, March Pass, Cultural Programme, ka Cricket bad ka Football.
Pule lang ia kane: Plie u CM ia ka karkhana pynmih sboh marrep ha Mawphlang
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
, u Bah B. Diengngan, Additional Superintendent of Police nalor kiwei kiwei ki ophisar jong kane ka Civil Sub Division.){kind=link}