Shillong, Aug 12: Ka jingrai ka North Eastern Hill University (NEHU) ban pybtreikam noh mardor ia ka National Education Policy (NEP) naduh une u snem pule 2023-24 kala pynmih ia ka jingshah kynthoh kaba jur na ka Meghalaya College Teachers’ Association (MCTA), kaba la kynnoh ba ba kane ka jingleh kadei ka bym shongain bad kaba ma ia ki samla pule.
Ka MCTA ka dang bteng ia ka jingiakhih ban pyrshah jur ia ka jingpyntreikam hak-dak ia ka NEP 2020 ha baroh ki College kiba don ha Meghalaya kiba pyniasoh bad ka NEHU.
U Bah Airpeace W. Rani, General Secretary ka MCTA, ula pynpaw ba ka jingshim rai ki bor pyniaid ka NEHU kala buh dak jingkylli ia ka jingshongain bad kaba buh ha ka jingma kaba khraw ia ki samla pule.
U Bah Rani, ula ong ba ka rai ban pyntreikam ia ka NEP naduh u 2023-24 kadei ka bym shongain namar kam dei kaba la mynjur da ka Academic Council, ka kynhun kaba la shah pynkupbor ha kaba iadei bad ki kam pule puthi.
“Ka long ka bym shongain namar kam dei kaba la mynjur da ka Academic Council kaba dei ka kynhun kaban shim ia ka rai ha kaba iadei bad ki kam kiba iadei bad ka pule puthi” la pynpaw u Bah Rani ha ka kyrwoh khubor.
Ka MCTA kala pynpaw ia ka jingsngewkhia halor ka jingshim rai kyrkieh, watla ka Academic Council kala don lypa ia ka jingnih ban pyntreikam ia ka NEP naduh u snem 2024-25, u Vice-Chancellor bad u Officer on Special Duty, College Development Council, kila pynmih mardor ia ka jingbthah ban pyntreikam noh ia ka NEP bad kane kala pynmih pynban ia ka jingkynthoh halor katei ka jingthmu ka jongki.
Ka MCTA kala pynpaw ia ka jingsuba jur ba ka jingshim ia katei ka rai kadei ban pynhun ia ki heh sain pyrthei kiba don ha
New Delhi.
U Bah Rani ula kynnoh, “U Vice-Chancellor, ka paw ba u kyrkieh bha ban pynhun ia ki heh sain pyrthei ha New Delhi. Lah ban kdew ba u Vice Chancellor ula shah thung ha ka sorkar pdeng khlem da phaikhmat ia ka jingsngew bad ia ka jingangnud jong ki trai ri”.
Ka jingleh kyrkieh ban pyntreikam ia ka NEP kala pynlong ruh ia ki nonghikai ban buh jingkylli pyrshah ia ka bor jongka Academic Council bad halor ki jingduna ha kaba iadei bad ka jingpynkhreh ki nonghikai.
Ka MCTA kala banjurnia ka jingduna ha ka jingpynkhreh, kynthup ia ka Syllabus ka bym pura na ka bynta ki katto katne ki undergraduate programs kum ha ka Music bad Business Administration. Lane ka pyni ba ka NEHU kam pat long kaba la pynkhreh ban pyntreikam ia ka NEP 2020 bad kala pynmih ruh ia ki jingkylli halor ka jingleh shilliang ha ka jingpyntreikam ha kajuh hi ka jaka pule.
Watla ka NEHU kala pynpaw ba ka jingpyntreikam ia ka NEP kadei na ka bynta ka bha ka miat ki samla pule, hynrei ka MCTA kala pynpaw ia ka jingsngewkhia halor ka jingleh kyrkieh. Kala pynpaw ba ka Batch ba mynta ki lah ban mad ia ki jingeh kiba khraw namar ka jingduna palat ha ka rukom pynkhreh.Ka MCTA kala kdew ba ka jingpynslem ka NEHU ha kaban sam iaka Ordinance kaba iadei bad ka NEP bad ka Syllabi ka long ka bynta jongka jingdkoh ha ka rukom pynkhreh.
Ka MCTA kala pynpaw ruh ba kan don ka jingktah na ka jingpyntreikam ka bym long ryntihlang da baroh ki college khamtam.ha ki thain nongkyndong. Ki Library, jingbym pat kloi ki no ghikai bad ka course syllabi ki dang sah ka jingbym pat shimkhia haduh mynta.Ka jingban jong ka kam ia ki nonghikai kan dang iai khia bha, khlem ka jingpynkhreh ia ki jingthmu ban thungkam shuh ne kino kino ki jingoynkhreh kiba biang.
Ka association ka buh jingkylli ruh ia ka jingsngap jar ka NEHU ha kaba iadei bad ka pisa pilain ha ka jingpyntreikam iaka NEP, khlem kano kano ka jingshai ha ka jingai jingkyrshan ia ka pisa tyngka na ka liang ka sorkar pdeng ne sorkar jylla, ka
MCTA kanpynpaw ia ka jingsngewkhuslai halor ka jingkiew jong ka bai pule ha ki college shimet kaba ktah bha ianki samla pule na ki thain nongkyndong bad kan ialam ruh sha ka jingjur jongka jingsangeh pule.
Ka MCTA kala buh jingkylli ruh ha kaba iadei bad ka jingpyntreikam ia ki kor ki bor katkum.kane ka juk kaba mynta ha kanjingai jinghikai lyngba ka jingpyntreikam ia ka NEP, ka jingbym don ia ki kamra treikam la ka jong na ka bynta ki nonghikai ban leh ia ki Online Class bad kila pynpaw ruh ia ka jingtakhuh hapdeng ka jingpynbiang ia ki jingdonkam bad ka jingduna ka NEHU ha kaba iadei bad ka lain ban pynkhreh.
Ka association ka pynrem jur ia ka jingleh kyrkieh ki Principal jong ki College ha kaban kylla ia ka nongrim ka jongki ha kaba iadei bad ka jingpyntreikam iaka NEP bad kila kynthoh ia ka Meghalaya College Principals’ Council halor ka jingkylla ia la.ka nongrim kaba ki ieng.
Namar kitei ki jingsngewkhia baroh, ka MCTA kala sangeh ban shim klas ia kiba pule ha ka First Semester hapoh jongka Four Year Under
Graduate Programme (FYUP) bad kila sdang ia ka Non-Cooperation Movement pyrshah ia ka NEHU naduh ka 1 tarik u Nailar 2023.
 ban pybtreikam noh mardor ia ka National Education Policy (NEP) naduh une u snem pule 2023-24 kala pynmih ia ka jingshah kynthoh kaba jur na ka Meghalaya College Teachers’ Association (MCTA), kaba la kynnoh ba ba kane ka jingleh kadei ka bym shongain bad kaba ma ia ki samla pule.){kind=link}