Shillong, Nailar 11 : Ka Sorkar Jylla ha ka sngi Thohdieng, kala pynkynriah kam ia ki Heh Pulit ha ka kyrdan jong ki Superintendent of Police.
Kat kum ka jingpynbna, ia u SP ka West Garo Hills Vivekand Singh Rathore la pynkynriah bad thung noh kum u Commandant ka 3rd MLP Battalion, Sahbsein.
Ia u SP ka North Garo Hills Shailendra Bamaniya la pynkynriah bad thung kum u SP ka South Garo Hills.
Ia SP (Traffic) Shillong Dr Dara Aswaghosh la pynkynriah bad thung kum u Commandant ka 2nd MLP Battalion, Goeragre.
Ia u SP ka South Garo Hills Abraham T Sangma la pynkynriah bad thung kum u SP ka West Garo Hills.
Ia u Commandant ka 2nd MLP Battalion Burno A Sangma la pynkynriah bad thung kum u SP ka North Garo Hills bad ia u Commandant ka 3rd MLP Battalion Kamakhya Prasad la pynkynriah bad thung kum u SP (Traffic) Shillong.
