Shillong Nailar 10: Ka Hynniewtrep Youth Council (HYC) hynne ka sngi Palei, kala dawa na ka Sorkar Jylla ba kan pynmih ia ka SOP ka ban pynthikna ia ka bhah tyngka bala mang ban thied ia ki tiar ki tar ha ka jingpyntrei ia ka Mahatma Gandhi National Rural Employment Guarantee Scheme (MGNREGS) hapoh jong ka 6 bnai.
Ka HYC hapoh ka jingialam u President u Bah Robertjune Kharjahrin kala aiti da ka dorkhas ha u Myntri ka tnad Communitty & Rural Development u Abu Taher Mondal ba yn shimkhia lem ia katei ka mat jingdawa.
“Ngi kwah ban ai jingmut iaka sorkar jylla ba kadei ban pynmih ia ki kyndon treikam ne ka SOP ba ka bhah tyngka na ka bynta ban thied ia ki tiar ki tar dei ban pyllait noh hapoh jong ka 6 bnai bad lada ka tnad kam lah ban pyllait ia katei ka pisa ka dei ban siew iaka ‘Interest’ sha ka VEC” la pynpaw ka HYC ha ka Dorkhas.
Ka HYC kala kyntu ruh ia u Myntri Sorkar ban shim ia ki lad ki lynti ban pyllait noh ia ka pisa kaba dang sah sha baroh ki VEC ki bym shim la ioh pdiang ia ka pisa mynta la palat 6 bnai.
Ki nongialam ka HYC kila dawa ia katei hadien ba kila ioh pdiang ia ki jingujor na ki VEC bapher kiba don ha rilum Khasi-Jaintia, ba kala don ka jingpynslem ha kaban pyllait noh ia ka pisa sha ki VEC ba kin ioh ban thied ia ki tiar ki tar ban pyntreikam ia ka projek.
Ha ki katto katne ki C&RD Blocks, kila don ki VEC ki bym shim la ioh ia kano kano ka pisa wat hadien ar snem ruh bad kane ka jingbym pyllait ia ka pisa kala ktah jur ia ka jingpyntreikam iaka scheme kaba dei ka scheme kaba la seisoh bha ha kjingpyntreikam.
Ka HYC kala ai jingmut ruh iaka sorkar jylla ban pyniasnoh lang noh iaka MLA Scheme bad ka MGNREGS khnang ba kan don ka jingkiew ha ka roi ka par ha ki thain nongkyndong jong ka jylla.
“Ngi ai jingmut ia ka sorkar ba kadei ban thaw ia ka polisi treikam ne kyndon aiñ bay m duna iaka 50% jong ka bhah na ka MLA Scheme dei ban pyntreikam da kaba pyniasohlang bad ka MGNREGS,” ong u Bah Kharjahrin bad ka bynrap “Kane kan pynthikna bay m dei shuh tang 100 sngi ba kiba ioh iaka Job Card kin ioh treikam hynrei kan kiew shaduh ka 110 sngi ne palat bad kan wanrah ruh iaka roi ka par kaba don jingmut ha ki thain nongkyndong”
Ka HYC kala banjur ruh ia ka jingdonka mabn buh iaka Meghalaya Community Rural Development Services and Meghalaya Community Rural Engineering Services, ha kaba ka sorkar kala dep ban mynjur ia kane ka jingtyrwa naduh u snem 2018.
“Haduh mynta, ngim shym la iohi ba ka sorkar ka nshimkhia shisha ia kane ka mat ban thaw ia ki kyndon aiñ, kumta ngi kyrpad ba phin shim ia ki sienjam ban thaw ia ki aiñ ki kanun halor katei bad lada ka sorkar kala dep ban thaw lypa ia ki aiñ ki kanun kadei ban pyntreikam noh mardor” ula ong.
U Bah Kharjahrin ba da katei ka rai, ka tnad C&RD kan don iala ka jongka Service & Staff Cadres naduh na ka kyrdan Gram Sevak, Junior Engineers, Assistant Engineers bad BDO.
Kumba long mynta, ki ophisar kiba trei ha kino kino ki kyrdan ha ka tnad la kidei ki Junior Engineer, Assistant Engineer bad BDO la shim da ka tnad na kiwei pat ki tnad sorkar.
Da ka jingdon ia ki Service Rules, ka tnad kan don ia ki Engineer haduh ka kyrdan Superintending Engineer bad ka Rules kan plie lad ruh ia ki samla ka jylla ban iohkam iohjam bad kan pynlong ruh ia ka tnad ban lah ban pyntreikam mardor ia ki skhim kaban ai jingmyntoi kylla ia ki nongshong shnong ka jylla.
[7:49 pm, 10/08/2023] Bah Ritchie Lyngdoh: sha Megh
