Shillong, Nailar 10 : U Myntri ka Development of North Eastern Region (DoNER) G Kishan Reddy ha ka sngi Palei ula pyntip ba ka Sorkar Meghalaya kala deo ban pynbna ia katto katne ki khlaw kyntang kum ki Community Reserve hapoh ka Wildlife (Protection) Act, 1972.
Ha ka shithi ba da ka jingthoh ha Rajya Sabha, u Reddy ula ong ba ki bor treikam kum ki Dorbar Shnong ha Meghalaya ki trei ia ka bynta ba kongsan bha ha ka imlang sahlang bad ka ioh ka kot ka Meghalaya, nalor ka jingiada ia ka mei mariang bad pynsngewthuh ia ki paidbah halor ki jingiada.
Ka dustur kum ka jingpynneh ia ki khlaw kyntang, ka jingphang ban pynjot palat ia ka sawdong sawkum kum ki khlaw, ka jingiada ia ki shyngiar bad kiwei ki tyllong um da ka jingstad, ki ain tynrai ba pyrrkhing ia ka jingleit siat mrah, kila iarap bha ban iada ia ka mei mariang bad ki jingthaw ba im ha kane ka Jylla.
Ula ong ba ka skhim ka Sorkar Pdeng kum ka Integrated Development of Wilflife Habitats bad ka Compensatory Afforestation Fund Management bad Planning Authority (CAMPA) jong ka Sorkar kala wanrah ia ka roi ka par sha ki shnong ki thaw da kaba plie lynti ia ki ban kamai jakpoh da kiwei ki jait kam.
Ki Shnong ki thaw bad ki Dorbar Shnong ha Meghalaya kila iadonbynta lang ha ki kam ban iaplan, ban ai jingkyrshan ia ki Village Employment Council. Ban ithuh ia ki nongioh jingmyntoi na ki prokram bapher bapher ka Sorkar, ban ai jaka n aka bynta ki project bad kiwei kiwei, n aka bynta ka roi ka par jong ki jaka riewlum ha ka Jylla.
Pule lang ia kane: Lynshop ka jingpang khmat ha Assam, bthah ia ki skul ban phah shongiing ia ki Khynnah ba pang
Peit lang ia kane
