Shillong, Nailar 09: Ka State Rural Employment Society Community & Rural Development haka jingiatreilang bad ka ophis Deputy Commissioner (DC) ka East Khasi Hills kala pynlong iaka Azadi Ka Amrit Mahotsav bad ka Meri Maati Mera Desh ha Nongthymmai Lumthangding.
Ha kane ka juh ka sngi, kala don ruh ka jingpyllait iaka Meri Maati Mera Desh Campaign ha baroh kawei ka jylla ban pynkut iaka Azadi ka Amrit Mahotsav bad ka Samagra Awaas.
Naka liang u Myntri ka tnat C&RD A.T. Mondal uba la iashimbynta kum u kongsan ula ai jingkren lyngkot kum shi bynta ban pynkut iaka jingrakhe iaka Azadi ka Mahotsav.
U A.T Mondal ula ong ba kane kadei ka jingiohi jngai u myntri rangbahduh ka ri India u Narendra Modi ban pynkylla iaka ri India kum ka ri kaba kiew sted bha iaka ioh ka kot.
Naka liang u Commissioner and Secretary ka tnat C&RD u bah F.R. Kharkongor ula ong ba ia kane ka prokram la rakhe kyrpang naka bynta ban kynmaw burom iaki riewkhraw ka jylla bad ka ri kiba la len ialade.
