Shillong, Nailar 09 : Ka Iingkashari Special Judge (POCSO) ka West Garo Hills, kala hukum ban set along haduh 7 snem bad ka kuna ba T. 5000 ia uwei u nongniah kali, uba rahbor bad leh beijot ia kawei ka Khynnah 14 snem hapoh ka District.
Une u Nongniah kali u kyrteng u Md Anishur Rahman uba la rahbor ia kane ka Khynnah ha ka 14 tarik Lber 2017 da ka kali tempo ba u niah bad ula set ia ka ha kawei ka jaka ka bym lah ban iathuh.
Ia kane ka case la register hapoh ka Tura Women Police Station hapoh ka kyndon 366A/368 IPC pule lang bad ka kyndon 3(a)/4 POCSO Act. Ka Investigation Officer kala pyndep ia ka chargesheet ia une u briew ha ka 31 tarik Kyllalyngkot 2018.
Ka Iingkashari haba bishar ia kane ka kam, kala rai pynrem ia u Md Anishur Rahman kat kum ka kyndon 3(a)/4 jong ka POCSO Act ban bthah ban set along ia u haduh 7 snem lem bad ka kun aba T. 5000 halor kane ka kyndon ain.
La ong ba lada um lah ban siew ia kane ka kuna, un hap ban shong along tam sa 3 bnai.
