Agartala, Nailar 09 : Ka Election Commission ka Ri India ha ka sngi Ba-ar,kala pynbna ba ka elekshon shiteng samoi jong ki artylli ki constituency ha Tripura, kan long ha ka 5 tarik Nailur.
Ki bor pyniaid elekshon kila pyntip ba kane ka elekshon shiteng samoi kan long ha Dhanpur bad Boxanagar Assembly Constituency, kiba don hapoh ka Sepahijaka District. Ka jingthep vote kan long ha ka 5 tarik Nailur bad ka jingniew ia ki vote kan long ha ka 8 tarik Nailur.
Ka ECI kala pyntip b aka sngi ba khatduh ban pdiang iaka jingthep kyrteng ki kyrtong kan long la 17 tarik Nailar, ka ban bud da ka jingbishar kyrteng ha ka sngi kaba bud. Ki kyrtong ki lah ban weng kyrteng kat haduh ka 21 tarik Nailar.
Ka elekshon shiteng samoi ha Dhanpur kala jia namar ka jingiehnohkam jong u Myntri ka Sorkar Pdeng Pratima Bhoumik, uba la ieh noh ia ka kam MLA hadien ba ula shah jied ha ka elekson Assembly ba long ha ka 16 tarik Rymphang, ia kaba la pynbna result ha ka 2 tarik Lber.
Ka Boxanagar Assembly constituency, kaba bun eh ki nongshongshnong muslim, kala lait thylli hadien ka jingkhlad noh u MLA ka CPI-M Samsul Haque. U Haque ula iap na ka jingsangeh treikam u klongsnam myn ha ka 19 tarik Naitung.
