Shillong, Nailar 04 : U Symbud Myntri Rangbah ba khmih ia ka kam Pohiing (Police) Bah Prestone Tynsong ha ka sngi Thohdieng, ula ong ba ka Sorkar Pdeng bad ka Sorkar Jylla kila kut jingmut shisha ban pyntyllun shakhmat ia ka jingia kren iasuk bad ka HNLC.
Haba iakren bad ki nongthoh khubor, u Bah Prestone ula ong “Nga la dep pynshai shisien ba ka Sorkar Pdeng bad ka Sorkar Jylla kila aiti shisha ia kane ka kam. Mynta ka shong satang ha ka HNLC. Ki donkam ban jubab”.
“Ka jingiakren pura ba nyngkong kala dep long ha kaba baroh ki kam kila dep ban iakren bad mynta ngi dang ap biang sa ia kawei pat ka jingialang…na ka Sorkar hi ngi la long kiba la khreh hynrei ngi ieh pat ia ka jingshim rai ba hap ban shim da ki nongialam jong ka seng (HNLC)” ula bynrap.
Haba kylli, u Bah Prestone ula ong “ (Haba iadei bad ka jingmap ia ki kam pyntriem baroh), ngi la dep iakren sani ia ka. Nga la dep iathuh ha phi ba la dep iakren bniah ia kane ka kam ha kaba ki dkhot kiba iashimbynta ha ka jingialang kila sngewthuh bad ki dkhot n aka MHA ruh kila dep batai ia baroh kiba dei ban batai bad ngam lah ban batai bnai ia phi ia mynta hynrei ka jingiakren iasuk ba pura hi kala sdang”.
