Guwahati, Nailar 04: U MLA barim ka BJP Shiladitya Dev uba ju bna nam ban kren ia ki kyntien kynthoh pyrshah niam, ula pynmih biang sa kawei ka jingdawa ba dei ban khein beain noh ia ka jingpule iaka Azaam (ka jingkhot ki Muslim sha ka jingduwai) ha ki Mosque.
“Hato ki dkhot jong ki jaidbynriew ritpaid ki don ka hok ban pynbitar ia nga san sien ha ka shisngi, 1,825 sien ha ka shisnem da ka jingleh Azaan? Hato kato ka jingleh niam ka dei kaba pdiang ha kane ka imlang sahlang ba iakhleh niam” buh jingkylli u Dev.
Ula ong ruh ba u kloi ban leit sha phatok halor ka jingbanjur ba dei ban khein beain noh ia ka Azaan.
U Dev ula kam ba ka jingpyrta lyngba ki kor pynsawa ban pule ia ka azaan kam dei ban long ka jingleh niam Islam hynrei ka jingpule ia ka namaz ka dei ban dei ka jingleh niam.
Shuwa ia kane, une u MLA barim ula ong ba ki briew jong kane ka jaidbynriew rit paid kila buhrieh ia ki suloi ha ki mosque bad sa pyndonkam ia ki ban leh ia kikam pyntriem jong ki lehnoh.
Une u MLA barim ka Hojai Constituency ula ong b aka jingpule ia ka Azaan kam iahap satia haba ong “Haba nga iohsngew ia ka Azaan kawei hadien kawei ha ka mosque, nga sngew ialade bad ka shnong ka thaw kala kylla long kum ka Afghanistan bad ka Taliban kala pyniaid ia ka Jylla jong ngi”.
Lah ioh jingtip ba ki Pulit ka Dispur kila pynlong ia ka jingtohkit halor kane ka jingjia.
Hynrei une u MLA barim ula ong “Ngan sab uh ia kane ka jingkyrshan ban khein be-ain ia ka Azaan hakhmat jong u Nongbishar ha Iingkashari”.
