Imphal, Naitung 21 : Ki Pulit ka Manipur kila kem biang sa 3 ngut ki briew kiba donkti ha ka jingpyniaid lyngkhuit bad leh beijot ia ki arngut ki Kynthei ha Manipur, kaba la paw pyrthei hadien arbnai da ka jingsaphriang ka video.
Ia kine ki laingut la kem hi hynnin ka sngi hadien ka jingkem ia u briew uba donkti hakhmat eh ban leh ia kane ka kam riewkhlaw.
“Saw ngut ki briew kila shah kem haduh mynta. Ki Pulit ka Jylla ki dang pyrshang katba lah ban kem ia baroh ki briew kiba donkti kham kloi kat kaba lah. Ka jingkhynra ka dang iai bteng” ong ki Heh Pulit.
Ha kajuh ka por, ki Pulit ka Jylla bad ki shipai ki dang iai bteng ban pynlong ia ka jingkhynra ha ki jaka kiba ikop don jingma ban mih ki kam iaumsnam ha ki District bapher bapher.
Pule lang ia kane: Manipur: Phah notice ka NHRC sha u CS bad DGP ba shah pyniaid lyngkhuit ki Kynthei
