Imphal, Naitung 19: Ki Pulit ka Manipur ha ka sngi Ba-ar kila kem haduh 30 ngut ki briew hadien ka jingshah thang ka kali u Inspector General of Police (IGP) ha ki riew paidbah ha ka thain Kwakeithel, Imphal West.
Ha kawei pat ka jingjia, kumba 19 ngut ki kynthei kila mynsaw ha ka jingiapynibor bad ki Pulit ka Rapid Action Force ha kane hi ka District.
Kat kum ka khubpr, ki paidbhur kila thang ia ka kali u IGP (Zone II) K Kabib katba u dang iaid sha Imphal na surok Tiddim. Ia une u Heh Pulit la synran ruh da ka kynhun pahara.
“Ha kane ka jingjia, uwei u Pulit ula mynsaw na ka jingshei kuli uba la bthei napoh ka kali kaba iing. Une u kuli ula leit dei na ki bynta jong ka kjat” ong ki Heh Pulit.
Kum ka jingpynphai kylliang, ki bor shipai kila siat da ki tyndong lyer pynsat khmat ban pynsaphriang ia ki paidbhur bad hadien kila kem ia 30 ngut ki briew. Une u Heh Pulit ula lait na ki jingmynsaw.
Ha kawei pat ka jingjia, ki Kynthei bad ki Pulit RAF kila iatakhuh ha ka jingiashong kyllain mungor ban dawa wanrah pat ia ka jingshongsuk shongsain hapoh ka Jylla.
Ki Pulit kila khang lynti ia ki nongiakhih katba ki dang thmu ban iaid na Iew Singjamei shaphang ka Chief Minister Secretariat kaba don ha Babupara.
Ha kajuh ka por, u Myntri Rangbah ka Manipur N Biren Singh ha ka sngi Ba-ar, ula lum ia ka jingialang jong ki Heh Ophisar ban bishar ia ka jinglong jingman ka shongsuk shongsain hapoh ka Jylla.
 ha ki riew paidbah ha ka thain Kwakeithel, Imphal West.){kind=link}