Shillong, Naitung 04 : U Myntri Rangbah ka Jylla Conrad K Sangma hynne ka sngi Ba-ar, ula iakynduh ia ki Dkhot jong ka International Solar Alliance (ISA) ha Gurugram, New Delhi bad iasyllok sani kumno ba ka Jylla kan shim ia ki buit treikam kiba paka duh ha kaban lah pynmih bording na ka bor jong ka Sngi.
U Myntri Rangbah ula sam paidbah ruh ia ki dur ba ula shon bad ki dkhot ka ISA lyngba ki rynsan social media jong u.
“Ki buit treikam bala batai da ka ISA kan plie lynti ia ngi ban shim ia ki buit treikam ki ba iasyriem na ka bynta ban pyntrei kami a ka CM Solar Mission hapoh ka Jylla” ong u Myntri Rangbah hapoh ka twitter.
Had deliberation with members of @isolaralliance at Gurugram. Their presentation was insightful. The case studies demonstrated by ISA will enable us to adopt the best practices to replicate under CMs Solar Mission in our State. pic.twitter.com/t3PwgDkTfX
— Conrad K Sangma (@SangmaConrad) July 4, 2023
Kane ka jingiakren kala wan ruh ha ka por ba ka Sorkar Jylla ka don jingthmu ban pyllait paidbah ia ka jingtreikam jong ka Chief Minister’s Solar Mission ha une u bnai Naitung, kaba la mang ban pynlut haduh T. 100 klur.
Hashuwa kane, u Myntri Rangbah ula iakynduh bad iashong jingialang ruh bad u Chairman bad Managing Director ka NTPC Gurdeep Singh.
Had a meaningful interaction with Chairman & Managing Director of NTPC Mr Gurdeep Singh this afternoon. Appreciate his ideas and initiatives being taken up by NTPC to enhance the overall power scenario in the country.@ntpclimited pic.twitter.com/XtGUYqAu8v
— Conrad K Sangma (@SangmaConrad) July 4, 2023
Haba phai sha ka Solar Mission, u Myntri Rangbah ha ka sngi Nyngkong, ula pyntip ba ka Sorkar kala dep pynkhreh lut ia ki kot ki sla ba donkam. U pyntip ba ha kane ka project, kan don ka bynta ba ai subsidy ka Sorkar, ka jingairam bad kiwei kiwei.
Ula pynpaw ruh ba ka Sorkar Jylla kan pyrshang ha kaban pynbun ia ka subsidy.
Lah ban kdew hangne ba dang shen, ka Kynhun Myntri kala ai jingmynjur ban pyntreikam ia ka Chief Minister’s Solar Mission hapoh ka Jylla.
Pule ruh: Iaid rally jingsuk ki riewngeit Catholic ha Nongstoin namar ki kam iaumsnam ha Manipur
 ha Gurugram, New Delhi bad iasyllok sani kumno ba ka Jylla kan shim ia ki buit treikam kiba paka duh ha kaban lah pynmih bording na ka bor jong ka Sngi.){kind=link}