Shillong Jylliew 29: Ka Shooting Association of Meghalaya hynne ka sngi Palei kala pynlong iaka 8th Meghalaya State Shooting Championship 2023 ha Assam Regimental Center ha kaba 42 ngut ki nongiasiat kila wan iashimbynta.
Kila don palat 42 ngut ki nongiasiat kiba la wan iashimbynta ha ki jingiasiat bapher bapher kum ka 10 M (Indoor) Air pistol /Air Rifle, 25M Standard Pistol bad 50M Rifle hapoh ka jingkhmih bad jingpeit bniah jong u Rituraj Bhagawati, ISSF uba la wan na Delhi kum u nongbishar ia kane ka State Championship.
La pynlong ia kane ka jingialehkai iasait da ka jingkyrshan jongka tnad Sports & Youth Affairs ka jylla bad ki bor shipai Assam Regimental Center, Shillong kiba la ai jingiarap iaka jaka iasait kaban long ha ka 29 & 30 tarik u Jylliew bad ha ka 1 & 2 tarik u Naitung.
Pule ruh: Maham ka KSU iaka Longkmie Gas Agency ban ym sam duna iaki Tyndong Gas
