Imphal, Jylliew 28 : Ka Kuki Inpi Manipur (KIM), ka seng jongki jaidbynriew Kuki kala thalain tyngeh ia ka rai jong ka Sorkar Jylla kaba pynjari ia ka hukum “No Work, No Pay” ia ki nongtrei Sorkar khamtam ia kiba trei ha GAD, Manipur Secretariat bad DP.
Ka Kuki Inpi Manipur kala ynnoh ba kane ka hukum “No Work, No Pay” ka nang sei pyrthei ia kane ka Sorkar iapher jaidbynriew ka Manipur ban shu leh donbor ha kaban wanrah ia ka jingsuk da ki buit pyntriem.
Ha ka kyrwoh, u General Secretary ka KIM Khaikhohauh Gangte ula ong ba ka Sorkar Manipur kala buh ia ka jingim jong kiba bun ki nongtrei khamtam kiba laitim na ki kam pyntriem ha Imphal Valley ha ka jingma.
Kala ong ruh ba dei bantip ba ki Kuki kila shah beh na Imphal Valley bad kam long shuh kaba shngain ia ki ban sah ha katei ka jaka . “Ki briew jong ngi kila shem jingeh ban leit phai biang sha Manipur Valley halor ki jingiai shah thombor bad shah byrngem ha ki kynhun seng jong ki Meitei”.
Ula pynpaw ia ka jinglyngnoh “Haba ki riewlehnoh Meitei kila khtong ban pyniap ia ki Kuki bad wat ia u nongmihkhmat jong ngi ruh ym shym la map shuh, kumno ki Nongtrei kin buh ialade ha ka jingma da kaba leit phai biang sha Imphal haba kila ioh ban phet na ka jingiap da ka said”.
Pule ruh: Manipur : Yn leit iuhkhat u Rahul Gandhi ha Imphal ha ka 29-30 tarik bad iakynduh ia ki lanot
, ka seng jongki jaidbynriew Kuki kala thalain tyngeh ia ka rai jong ka Sorkar Jylla kaba pynjari ia ka hukum “No Work, No Pay” ia ki nongtrei Sorkar khamtam ia kiba trei ha GAD, Manipur Secretariat bad DP.){kind=link}