Shillong, Jylliew 27: Ki riewngeit Khristan na kylleng ka thain Shathei Lammihngi (North East) hapoh ka shatri jong ka North East India Christian Council (NEICC) hynne ka sngi kila pynlong ia ka jingduwai kyrpang naka bynta ka jinglong jingman ka jylla Manipur.
Ia kane ka jingia duwai kyrpang la pynlong hapoh ka phyllaw jong ka ïing mane All Saints Cathedral Shillong bad ha kane ka sngi, ki para riewngeit kila pynlong ruh ia ka jingiathang mombati ban kynmaw ia ki lanot kiba la duh noh iala ka jingim namar ka jingiaumsnam kaba la neh palat shi bnai hapoh ka jylla Manipur.
Haba kren hashuwa ka jingduwai kyrpang, u Rev S.R Dkhar ula ong baka NEICC ka ieng bad ki paidbah ka jylla Manipur khamtam bad ki longïing kiba mad iaki jingeh hadien ba mih ka jingiaumsnam hapoh ka jylla Manipur.
U Rev S.R Dkhar ula ong ba ka jingiaumsnam kam wanrah kano kano ka jinmyntoi iaki paidbah lane iaka jylla bad iaka ri baroh kawei bad ka long kaba donkam ban iatreilang bad baroh ki para nong shong shnong ban wanrah biang iaka shong suk shong shngain hapoh ka jylla Manipur.
U Rev S.R Dkhar ula kyntu ruh iaka president ka Ri India ka Droupadi Murmu, ia u myntri rangbahduh ka Ri u Narendra Modi, ia u myntri ka tnat kam poh ïing u Amit Shah, ki myntri rangbah ki jylla North East khamtam ia u myntri rangbah ka jylla Manipur ban iatreilang naka bynta ban wanrah biang iaka shong suk shong shngain hapoh ka jylla Manipur.
