Shillong, Jylliew 21 : U Lat ka Jylla ula pynmih ia ka jingbthah ia ki Tnad treikam ka Sorkar ba ki dei ban weng kam noh ia ki Nongtrei kiba la kynnoh ia ka 70 snem ka rta.
Kane ka jingbthah kala mih ruh ha ka por ba ka jingiakren kala iaid sharum haneng halor ka jingthung kam ka Tnad Meghalaya Urban Development Authority (MUDA) ia u Chief Engineer uba la kynjoh ia ka 78 snem ka rta.
Nalor kane, kila mih ruh ki jingiakren ba ki don ki tnad kiba la thungkam ia ki briew kiba la dep shongthait la slem bha.
U Lat ka Jylla ula pynmih ia ka jingpynbna ba ki briew kiba la kynjoh ia ka 70 snem, kim dei shuh ia kaban shah thungkam ne thungkam biang.
Ula bthah ia baroh ki Tnad Sorkar/Agency jong ka Sorkar Jylla kiba la aikam ne thungkam biang ia ki briew bala kynjoh ia ka 70 snem ka rta, ba kin weng noh shisyndon ia ki.
Pule ruh: Shimti u Bah Charles Marngar kum u Deputy Chairman ka KHADC
