Gangtok, Jylliew 17: Namar ka jingther u slap ba khlem sangeh ha kine ki lai sngi, palat 2500 ngut ki nongshangkai pyrthei kynthup ki samla pule kila sahkut ha Lachen bad Lachung kiba hap hapoh ja Mangan district.
Ia kine ki briew la leit ban shaw da ki pyrnon dieng ban jam ia ka jaka twa khyndew ha Pegong kaba twa ha ka janmiet sngi Palei.
Ka surok ba pyniasoh ia ka Chungthang, Mangan district ruh kala dkut na kane ka jingtwa khyndew.
Napdeng kine ki 2500 ngut, 60 ki dei ki samla pule ka Namchi College kiba sah kut ha Lachen bad Lachung.
Ka jingleit shaw ia kine ki Nong shangkai kala sdang naduh 11 baje mynstep ha ka sngi Thohdieng. La pynkhreh ruh haduh 19 tylli ki bos lem bad 70 tylli ki dukan rit.
Ha kine ki khyndiat sngi ka Sikkim kala ioh ia ka lyiur bad ki lum rit kila tuid na ka jingshah rong ha ka um.
Ha ka miet sngi Palei bad baroh shisngi ha ka sngi Thohdieng, namar ka jingjur slap, ki surok kiba bun kila shah rong na ka shnong Singtam – Dikchu – Rangran – Mangan bad kiwei kiwei ki jaka.
Pule lang ia kane: Ioh bat ki Pulit Tripura ia 9 ngut ki nong Bangla bad 4 ngut ki Rohingya ba mut leit Delhi
