Imphal, Jylliew 09: Ki Pulit ka Manipur ki pyntip ba arngut ki runar ba shong da ka thuk thuk, kila kawang bomb IED ha ka iingsah jong u MLA u Soraisam Kebi kaba don ha Ningthemcha Karong, kaba hap hapoh ka Singjamei Police Station, Imphal West.
Ki pulit ba kane ka jingjia kala jia ha ka sngi palei bad une u bomb IED ula bthei ha khyrdop ka Iingsah une u MLA uba mihkhmar ia ka Naoriya pakhanglakpa Assembly Constituency.
Ki Pulit ki pyntip ba ym shym la don kano kano ka jingjia ba sngewsih laitnoh tang ka jingpei thliew ha madan. Ki ong ba ka jingbthei ruh kam shym la wanrah satia ia ka jingjulor kaba bun.
Kane ka jingjia kala wan jia ruh tang da ki kynta hadien ba u Security Adviser ka Sorkar Manipur Kuldeep Singh ula kam ba ka jinglong jingman ha Manipur kala kham jai jai bad ba kam shym la don shuh kano kano ka kam pyntriem ha kine ki 48 kynta bala leit noh ha Manipur.
Ha kajuh ka por, ka Ministry of Home Affairs (MHA) kala mynjur ia ka song jingiarap ba kot T. 101.75 klur sha ki paidbah ba shah ktah ha kane ka thma iapher jaidbynrew ha Manipur.
U Kuldeep Singh u pyntip ba haduh 896 tylli ki tiar siat bad 11763 tylli ki kuli bad 200 tylli ki bomb bapher bapher la ioh ban kurup biang haduh mynta.
