Agartala, Jylliew 8: Arngut ki briew kila iap hashen bad 5 ngut kila mynsaw jur na ka jingshah pom pyrkhat ha kylleng ki jaka jong ka Sepahijala District jong ka Jylla Tripura, hynne ka sngi Palei.
Kine kiba iap ki kyrteng u Badal Dey ba 60 snem bad u Shailendra Riyan.
Kat kum ka khubor, u Badal Dey ula shah pom pyrthar katba u dang lur lyngkha ha ka thain Galaghati kaba hap hapoh ka Takarjala Police Station.
U Shailendra Riyan ula shah pom pyrkhat ha ka shnong Ujan Laugang katba u dang lur lyngkha ha ka por ba wan hap u slap.
Kiba mynsaw ki kyrteng u Pabitra Das, Kulsum Bibi, Chandan Deb Nath, Jebin Chowdhury, Sumitra Sarkar bad Basanti Saha. Baroh kine ki don hapdeng ka jingsumar ha hospital.
U Sub Divisional Magistrate ka Bishalgargh Binou Bhushan Dad ula ai ka song jingiarap ba mar T. 10,000 sha kine ki lanot.
