Shillong, Jylliew 06: U Myntri Rangbah ka Jylla Conrad K Sangma ha ka sngi Ba-ar, ula pynbna ba ka Sorkar Jylla kala shim rai ban pynkha noh ia ka Directorate of Forensic Science hapoh ka Jylla.
Kane ka rai kala mih na ka jingialang jong ka Kynhun Myntri ba long hynne ka sngi haba pyntip ba ka Jylla kala dep don ia ka Cell jong ka Forensic Science kaba treikam hapoh ka jingkhmih jong ka Tnad Meghalaya Police.
U Myntri Rangbah ula ong ba kat kum ka jingbthah ka Human Rights Commission, ka Jylla ka donkam ban pynkha la ka jong ka Directorate jong ka Forensic Science khnang ba kan treikam laitluid bad lait noh na ka jingkhmih ka Police Headquarter.
Ula pyntip ba kane ka Directorate kan hap hapoh ka Tnad kam pohiing ka Jylla.
U Myntri Rangbah ula iathuh ba ki briew/Nongtrei bad ki jingdonkam baroh kila don lypa hynrei kaba donkam ka long satang ia ka bor pyniaid (Administrative) ba lah ban shim rai kaba hap ban pyndap ha kane ka Directorate.
“Ngi la rai ba pynkhlain ia ka Tnad Forensic da kaba pynthikna ia ka jingkynshew bun ha ki tiar ki tar kiba donkam baroh” ula bynrap.
