Shillong, Jylliew 2: U BDR Tiwari, IAS, ula shah thung kum u Chief Electoral Officer (CEO) ba thymmai ka Meghalaya ban shimti ia ka jaka jong u Bah Frederick Roy Kharkongor.
U BDR Tiwari, u dei uba bat kum u Joint Secretary ka Sorkar Meghalaya. Ia kane ka jingthungkam CEO ia u la pynbna ha ka 18 tarik u Jymmang, 2023.
U Bah FR Kharkongor ula shakri kum u Chief Electoral Officer naduh u snem 2016 haduh 2023.
Ha ka por jong u, u Bah Kharkongor ula noh shibun ka synniang ha ka kam pyniaid elekshon hapoh ka Jylla. Ki kam kiba ula wanrah ki kynthup ka Mission Unite bad Mission 300, kaba la wanrah da ka jingthmu ban pynshlur ia ki samla ba kin mih ban pyndep iala kamram ba kin jied nongmihkhmat.
Hapoh ka jingialam u Bah Kharkongor, ka Ophis u CEO, Meghalaya kala ioh jingithuh bad shah pynkup burom da ka khusnam ba kyrpang halor ka jinglah pyndonkam ia ki kor Information Technology haba pyniaid elekshon. Ia kane ka khusnam la pynkup burom da ka ECI ha ka National Best Electoral Practices Award 2020 bala sam da u President Ram Nath Kovind.
