Shillong, Jymmang 31: Ka Sorkar Jylla hynnin ka sngi Ba-ar kala pynsangeh noh ia ka jingialang bala buh ban long mynta ka sngi na ka bynta ban iakren halor ka Reservation Roster namar ka jingdawa ki Sengbhalang na Ri-lum Garo ban pynlong la ka jong ka jingialang bad ki.
“….la bthah ia nga ban pyntip sha phi ba ka jingialang ban iakren halor ki kam ka Reservation Roster bala buh ban long ha ka 31 tarik Jymmang, 2023 ha ka por 11:30 mynstep ha Auditorium Hall, Yojana Bhavan, Meghalaya Secretariat, la hap ban pynsangeh noh namar ki Sengbhalang na Ri-lumGaro kila dawa ban buh la ka jong ka jingialang bad ki ha Ri-lum Garo” ong u Under Secretary ka Tnad Home (Political) J Lyngdoh ha ka shithi sha ki kynhun bapher bapher.
