Shillong, Jymmang 29: Ka office of International Affairs ka NEHU ryngkat bad ka Konrad Adenauer Stiftung (KAS), New Delhi, hynne ka sngi Nyngkong, kila pynlong iaka jingiatai ha kaba iadei bad ka phang “Cybersecurity in Comparative Indian and European Contexts”
Ia kane ka jingialang la pyniaid da u Vice Chancellor ka NEHU u Prof. Prabha Shankar Shukla ha kaba la wan ia donlang u Christian Democratic Union (CDU) Party, Member of Parliament ka Germany u Florian Müller ryngkat ka jingdonlang jong bun ngut ki samla pule, ki nongwad bniah bad ki nongtrei jongka NEHU.
Une u MP ka ri Germany ula pynpaw iaka jingshem ka jongu kum uta uba mihkhmat iaka Attendorn, Western Germany kiba don ha trai jong u lum Alps ha Bundestag kaba ula shem ruh kaba jan iasyriem bad ka Shillong bad Meghalaya.
U Prof. Shukla, ula ong ba ka long kaba donkam iaka NEHU bad Konrad Adenauer Foundation ban kyntiew iaka ioh ka kot bad ban kyntiew ia ki nongwad bniah kaban ai jingmyntoi mar kylliang.
Katba ka Kong Patricia Mukhim kala ong ba ka cybersecurity ka long kaba kongsan bha namar ba ki riewpaidbah kila shu long sohpdung lyngba ki kam bymman lyngba ka cybercrimes kiba bun bad ki riewstad bad ki riewshemphang ki dei ban thaw ia ki lad ki lynti ban ai jingiada iaka hok jong ki riewshimet bad ki riewkynthei kiba shah ktah jur ha kane ka juk cyberworld.
Na ka liang u Dr. Adrian Haack, Nongmihkhmat ka ri Germany sha ri India lyngba ka Office of Konrad Adenauer Stiftung, ula ong ba ka ri India bad Germany kidei ban iatreilang ha kaba iadei bad ki kam Cyber na ka bynta ban iada na ka jingwan thombor ki nongshun kiba mih kum na ka ri China bad ula ong ba ka ri Germany kala dep thaw iaki database kaba lum thup ia baroh ki jingtip kiba kongsan ha ka kyrdan jong ki nongbah bad kumno ia kine ki database lah ban phah sha kiwei pat.
Ula kyntu iaka sorkar ba ka dei ban thaw iaki database kiba khlain khnang ba yn lah ban tehlakam ia kano kano ka jiungbym shngain ne jingwan thombor.
U Prof. P.Hangsing jongka NEHU uba long u Riewshemphang haka Information Sceinces, ula ong ba ka long kaba donkam ban don ia u pud u sam kaba ka sorkar ka lah ban tuklar laitluid iaki riewshimet bad haduh katno ka hok jongki riewshimet yn lah ban iada da kaba pynkup bor ia ki nongshong shnong.
U Prof. Hangsing ula pynpaw ba kumno ki briew kiba duk bad kiba lui lui ki mad iaka jingshah ktah lyngba ka jinglait jong ki jingtip, ka jingshah leh buittuh bad kiwei pat ki kam bymman lyngba ka cybercrime bad ula ai jingmut ba dei ban don ka jingiatreilang kaba iajan ban tehlakam ia ki kam sniewl yngba ka cyber.
