Shillong, Jymmang 08:U Myntri Rangbah ka jylla u Conrad Kongkal Sangma ula iathuh ba 99% na samla pule kiba don baroh shi katta ha jylla Manipur kila wan phai lut hynne ka lah sngi u Blei sha jylla Meghalaya.
“Ha kine ki 3 sngi kiba la leit kumba palat 300 ngut ki samla pule la dep ban wan ialam noh ia ki samla pule kiba don ha Manipur sha Meghalaya bad ka sorkar jylla kala pynsiew ia ka jinglut jingsep ha kan leit ka wan” ong u Conrad K Sangma haba iakren bad ki nongthoh khubor hynne ka sngi.
Ula pyntip ba hynne ka sngi Nyngkong, kala don ka jingpynkhreh iaka liensuin kaba mih na Imphal, Manipur ban wan beit beit sha Shillong.
“Ha ka sngi kaba nyngkong kila mih ki kynrum kynram haba ka sorkar pdeng kam shym la phah iaki Chartered Flight sha Manipur hynrei ka sorkar jylla kala shimkhia ia kane ka mat bad la lah ban pynbeit noh ia ka” ong u Myntri Rangbah.
U Myntri Rangbah ula ong ruh “ hynne ka sngi, la jan baroh ki samla pule la dep ban wan ialam noh sha Meghalaya da kaba suk ba sain, lait noh tang iwei ne ar ngut ki samla pule namar ki daw ki bym lah kiar hynrei 99% na ki samla pule ka jylla kila wan poi suk sha la iing”.
