Guwahati, Jymmang 08 : Ka Chief Minister’s Vigilance Cell kala kem ia ka Ophisas IAS ba shah sospon Sewali Devi Sharma na Rajasthan lem bad u pyrsa kurim u Ajit Pal Singh, namar ka jingdonkti ha ka jingbam klop ia ka pisa Sorkar.
Kat kum ka khubor ba iohlum, kane ka Ophisar IAS kala iadonlang bad u Pyrsa kurim bad kila phetrieh sha Rajasthan. Ia kane ka Ophisar IAS la kem halor ka jingkynnoh don bynta ha ka jyrsieh SCERT.
Shuwa kane, ka Sewali Devi kala shah kylli jingkylli ha ka Chief Minister’s Vigilance Cell, Assam halor kane ka kam jyrsieh.
La iathuh ba kane ka Ophisar IAS ha ryngkat bad u Pyrsa kurim kila bam klop ia ka pisa ba kot haduh T. 105 klur khlem da pyni ia kano kano ka work order.
Kane ka kam jyrsieh kala jia ha ka por ba kane ka Ophisar ka dang bat kum ka Executive Director bad Director ka State Council of Educational Research and Training (SCRET), Assam hapdeng u snem 2017 bad 2020.
Ka Chief Minister Vigilance Cell kala shimti ban tohkit ia kane ka kam jyrsieh.
