Shillong, Jymmang 06 : Ki MLA ka People’s Democratic Party (PDF) hynne ka sngi Saitjain, kila pyniasoh noh ialade bad ka National People’s Party (NPP) ha ka jingialang ba ishongkun hapoh ka Ophis treikam ka NPP ha Shillong.
U National President ka NPP bad Myntri Rangbah ka Jylla Conrad K Sangma,ula iadonlang ha kane ka sngi sah jingkynmaw ha ryngkat bad ki para ba iatreilang kata u Vice President ka NPP bad Symbud Myntri Rangbah Bah Prestone Tynsong, Symbud Myntri Rangbah Bah Sniawbhalang Dhar, ki Myntri Sorkar Kong Ampareen Lyngdoh, Comingone Ymbon, Marcuise Marak bad ki Nongialam bad nongtrei ka NPP.
Ka PDF ka don arngut ki MLA bad kine ki dei u President Bah Gavin M Mylliem uba mihkhmat ia ka Sohra bad u Working President Bah Banteidor Lyngdoh uba mihkhat ia ka Mawkynrew.
Ha kane ka sngi, la iasoi ruh ia ka soskular iabynrap (merger document) hapdeng kine ki artylli ki party, kiba don ia 11 tylli ki mat.
Haba kren ha kane ka jingialang, u Vice President ka NPP bad Symbud Myntri Rangbah ka Jylla Bah Prestone Tynsong ula ong ba ka jingiateh soskular bala iasoi hynne ka sngi ka dei ia kaban shimkhia kum ka “jingiateh shongkurim”. Ula ong “Kum ka jingiateh shong kurim, ngim dei ban iakhlad lynti noh tang 2-3 bnai lane 1-2 snem hynrei “Tang ka Jingiap ka ban pyniakhlad”.
Haba pdiang ia kine ki arngut ki MLA sha ka Party, u National President ka NPP Conrad K Sangma ula pynbud ia ka jingkren u Symbud Myntri Rangbah Bah Prestone bad ong ba watla ka jingiakyntiew kurim ka dei mynta ka sngi hynrei ka (NPP bad PDF) kila ialang samla la slem bha.
U ong ba ka jingiakren halor ka jingwan bynrap ka dei kaba la pynlong la slem bha hynrei ki arngut ki MLA kila shimpor ban iakren bad ban wanrah lang ia ki Nongkyrshan, kaba dei ka rai kaba biang eh.
Ula kular ruh ba kane ka soskular bala iateh ka dei kaba la dep ban khmih bad pule bha, bad ba ka Sorkar Jylla kan sa leh ia kaba donkam halor ki jingdawa.
Halor kane ka jingwan bynrap lang sha ka NPP, u MLA ka Mawkynrew bad Myntri kam ialehkai barim ka Jylla Bah Banteidor Lyngdoh ula ong “Ym ju don satia u paralo ba shirta lane u nongshun ba shirta ha ka kam sain hima sima”.
Ula ong ba kane ka dei ka sngi ka ban sah jingkynmaw naa=mar u sngew ba ka dei ka sngi kyntiew kurim jong u.
Hynrei, ula ban jur ba kane ka jingleit bynrap lang kam dei satia ka thong shiet jong u hynrei na ka bynta ka bha ka miat ki paidbah. “Ngi la bynrap lang bad ka NPP ym ba ngin myntoi shimet hynrei na ka bynta ka jingmyntoi ki briew jong ngi” ong u Bah Banteidor.
U President ka PDF bad MLA ka Sohra Bah Gavin M Mylliem ula ong ba ka rai ban bynrap lang ka dei u soh jong ka jingtreikam hapoh ka jingialam u Myntri Rangbah Conrad K Sangma bad ka Sorkar MDA, kaba la pynsngewthuh ia ngi ia ka ‘Meghalaya kaba kham bha” hapoh jong u.
“Namar ka dei ha ka jingialam jong u (CM) ba ngi la iohi ia ka Meghalaya kaba kham bha….Ki briew ki lah ban kynnoh shibun kiei kiei hynrei hadien ba ngi la iakren bad ki Nongkyrshan jong ngi, ngi la shim ia ka rai kaba dei eh” ong u Bah Gavin.
Hynrei, u General Secretary ka PDF Bah Auspicious Lyngdoh Mawphlang ula ban jur ba ka PDF ka dei ka party kaba dang im bad kaba khlem pat pynwai satia.
NPP vice president and Deputy CM, Prestone Tynsong said the agreement signed today should be taken seriously as a “marriage agreement”. He said, “As a marriage agreement we should not part ways just 2-3 months or 1-2 years but ‘till death do us apart’.”
