Shillong, Jymmang 4: Ka Sorkar Jylla kala bthah ia ka Tnad ka Koit ka Khiah ba kan tohkit halor ka jingkynnoh sumar torti ka Ganesh Das Hospital ia ka Longkmie ba wan kha Khun, da ka jingieh ia u thirnia ha kpoh bad kumjuh ruh ia ka jingkhlad noh I Khunlung na ka jingbym don ka kor ring mynsiem (Ventilator).
Ia kane la pyntip da i Myntri ka Koit ka Khiah Kong Ampareen Lyngdoh iba la ong ba ka Tnad kan sa tohkit ia kane ka jingkynnoh bad kan sa leh ia kaba donkam.
Ki bor Shnong ka Mawlyndep, ka Shnong ba sah kane ka Longkmie, kila dawa ia ka sorkar ban buria ia ka jingduh sha katei ka Longiing jong kane ka longkmie.
Halor kane, ka Myntri kala pynpaw ba ia mynta hi kam pat ban lah ban kren eiei halor kane ka jingdawa haba bynrap baka jingsiew bai lutksan kan long tang lada lap baka don shisha ka jingleh torti na ki nongsumar jong kane ka hospital ka sorkar.
Ha kajuh ka por, ka Myntri kala pynpaw ia ka jingsngewsih halor ka jingkhlad noh I Khunlung kane ka Longkmie, iba la khlad ha Nazareth Hospital ha ka janmiet sngi Ba-ar.
Pule lang ia kane: Kot 13% ka jingpynrung kyrteng Aadhar ia ki Khynnah ha Jylla
