Shillong, Jymmang 04: U Myntri ka tnat Social Welfare u bah Paul Lyngdoh hynne ka sngi ula iathuh ba ka jingpynrung kyrteng naka bynta u Aadhaar iaki khynnah kala kot sha ka 11 haduh 13 percent.
Haba kren sha ki lad pathai khubor u bah Paul ula iathuh ba ia kane ka jingpynrung kyrteng naka bynta u Aadhaar ha Meghalaya, ula dep ban iakren bad ka Myntri ka that Women and Child Development ka sorkar pdeng ka Smriti Irani lyngba ka video conferencing haka taiew bala dep.
“Kane ka long ka ba sngewkhia bad kum u khlieh ka tnat, nga la iakren bad nga la pyntip shaka Myntri ka that Women and Child Development ka sorkar pdeng bad haduh mynta ka jingpynrung kyrteng Aadhaar ha Meghalaya kala kot 71% bad hapoh 6 bnai kan sa kiew biang khnang ban pynthikna ba ki paidbah ka jylla kin ioh iaki skhim ka sorkar pdeng” la ong u bah Paul.
U bah Paul ula pynthikna baka tnat kan ialeh katba lah ban pynbun iaka jingpynrung kyrteng Aadhaar iaki khynnah bad un sa kyntu iaki Deputy Commissioners jong baroh ki district hapoh Meghalaya ban shim khia halor kane.
Pule lang ia kane: Markhmat u CEM dawa ka SRS ban weng ia ka hukum khang iashimbynta ha ka kam Sain Pyrthei
