Agartala, Iaiong 30: U Myntri Rangbah (CM) ka Tripura u Manik Saha hynnin ka sngi Saitjain u la ong ba ka sorkar jylla ka la thaw ia ka kynhun Special Task Force (STF) na ka bynta ban tehlakam ia ki kynhun pyntriem bad ki kynhun lute nalor kiwei pat ki kam bymman ha ka jylla.
U Saha u pyntip ba ka STF ba la khlieh da u Superintendent of Police (Economic Offences) un khmih ia kane ka bynta ha baroh kawei ka jylla.
Haba kren sha ki lad pathai khubor, u Saha u la ong, “La thaw ia ka STF da ka jingthmu ban pynleit jingmut ha ka jingiakhun pyrshah ia ki kynhun beain, ki kynhun pyntriem bad ki kynhun nonglute nalor kiwei pat ki kam bymman.”
Ha ka sngi Balang ba la lah u Manik Saha u la pynlong ka jingialang bad u Myntri Kam Pohiing ka sorkar pdeng u Amit Shah ha New Delhi bad iamir jingmut halor kiba bun ki mat kiba iadei bad ka jylla Tripura.
Ka sorkar Tripura ha kaba sdang jong kane ka taiew ba la lah ka la thaw ia ka Crime Branch Police Station (CBPS) kaba nyngkong na ka bynta ban pynlong ka jingtohkit halor ki kam beain kiba iadei bad ka ioh ka kot, ki kam pyntriem kiba bunjait bad halor ki kam drok.
