-->

Leit iuhkjat u CM ia ki jingtei kai jngohkai hakjat ka khlaw Nokrek

Date:

Share post:

Shillong, Iaiong 28 : U Myntri Rangbah ka Jylla Conrad K Sangma hynne ka sngi Thohdieng, ula leit iuhkjat ha ki jingtei ba dang shna thymmai jong ka jaka jngohkai ha Daribok, kaba don hakjat jong ka khlaw Nokrek Biosphere Reserve ha Ri-lum Garo.

Kine ki jingtei ki kynthup ia ka jaka peitkai (viewing deck) ha Daribok bad ka surok na Oragitok sha Daribok, kaba lam sha ka jingnang kiew ha ka jingwan ki nongshangkai. Kane kala wanruh ia ka jingkharoi ki kam ki jam ba ai kamai jakpoh ia ki nongshongshnong na ka kam jngohkai.

Haba buh hakhmat ia ka jingbun ki nongwan shangkai ha Nokrek, u Myntri Rangbah ula bthah ia ki Tnad treikam ka Sorkar ba kin iatreilang kawei bad ban wanrah ia ki sienjam ki ban pynthikna ba kane ka jaka kan lait naka jingbret jakhlia, plastic bad jingbun paid.

U Myntri Rangbah ula leit jurip ruh ia ka jingtei ba dang iaid shaid shaid jong ki Iing sah nongshangkai (tourist log house) ha Daribok. Ula ong ba ka jingmih kine ki jingtei kan nang iarap ban kyntiew ia ka kam jngohkai ha Ri-lum Garo.

U Myntri rangbah ula bthah ruh ia ki bor District bad ki Ophisar ka Tnad Tourism ban iatreilang bad ki trai shnong bad sdang ia ka jinglum pisa ia ki nongwan shangkai lyngba ki ticket bad kumjuh ruh ia ka jingpynieng kali ha ki jaka bala buh kyrteng kiba kham pajih naka Nokrek Biosphere Reserve. Ula pyntip ruh ba ka Sorkar kan sa pyn donkam da ki kali elektrik ban kit ia ki nongshangkai na kane ka jaka pynieng kali sha Daribok.

Ha kane ka jingleit iuhkjat ha Daribok, u Myntri Rangbah ula leit jurip ruh ia ka Sadhana Forest Information & Learning Centre, kaba aibor ia ki trai shnong da ki jingtip ban iada ia ka mariang khamtam ia ki Khynnah.

Ka Sadhana Forest ka dei ka seng na shabar ri kaba thmu ban hikai ia ki trai shnong bad ki volunteer halor ka jingpyn jyrngam ia ka mariang bad ban kamai na ka kam. Ha u snem 2003, u Yorit bad u Aviram Rozin kila sdang ia ka Sadhana Forest ha Auroville, India.

Pule lang ia kane: Manipur : Pynjari kyndon 144 ha Churachandpur district, khang ia ka jingpyndonkam internet hadien ka jingiakynad

Share post:

-->
spot_img

Popular

More like this
Related

Lashai yn bishar u Magistor halor ka jingkynnoh lum pisa beain ki Pulit ha surok NH-Diengpasoh

Shillong, Naiwieng 15: U Majistor ka East Khasi Hills...

Kyrpad ka Sorkar Jylla ia ka JPC ban pynjem ia ki kyndon ka FCRA ba ktah ia ki kynhun Khristan : Tynsong

Shillong, Naiwieng 15 : Ka Sorkar Jylla kala kyrpad...

Khot u Myntri kam jngohkai ia ka JAC ban iakren biang | Wan da ka jingkloi ban sngap ym da ka jingbitar

Shillong, Naiwieng 15 : U Myntri kam Jngohkai Bah...

Ka Meghalaya Mental Health Policy 2022 ka model ia ki samla riewlum : James Sangma

Shillong, Naiwieng 14 : U MP ka Rajya Sabha...