Shillong, Iaiong 26 : Ka Jylla Meghalaya kan dei kawei na ki 27 tylli ki Jylla ka Ri kaba la shah jied ban ioh ia ka Nursing College ba thymmai.
Ha ka sienjam ban pynkhlain ia ka jingdon jong ki nos hapoh ka Ri, ka Cabinet Committee in Economic Affairs, bala khlieh da u Myntri Rangbah Duh Narendra Modi, kala mynjur ban tei thymmai ia 157 tylli ki nursing college ha ki jaka kiba la don ia ki medical college bala seng naduh u snem 2014.
Kawei na kine ki 157 tylli ki nursing college kin mih ha Meghalaya bad la pyntip ba da kane ka sienjam, ka Ri kan lah ban pynmih haduh 15,700 ngut ki nos ba pyndep ia ka graduate manla u snem.
Kane ka dei kaba la leh ruh kum shibynta na ka thong jong ka Universal Health Care (UHC) bad kan iarap ban pynioh ia ka Sustainable Development Goals (SDG).
Ka Sorkar ka don jingthmu ban pyndep ia kine ki project hapoh kine ki arsnem ban wan bad kala buh ia ka por ha manla ki kyrdan ba plan bad ba pyntrei ia ka project.
Pule lang ia kane: Thung ka SC da ka HPC ban pynkynriah shuh shuh ia ki hati na ka thain Northeast sha kiwei pat ki jylla
