Dibrugarh, Iaiong 23: Ka ‘eriong ‘erngit ka la syllad naphang ia ki bynta ka Dibrugarh ha ki bynta shatei ka Assam mynta ka sngi U Blei ka ba la wanrah ka jingshah pynjulor jong kiba buntylli ki iing ki sem ha ki thain ba kyndong jong ka district.
Kiba bun ki diengbah ki la shah jynrat bad khyllem sha ki iingbriew bad wanrah ka jingjulor ia kiba bun ki jingdon jingem hapoh ka district.
Katkum ki tyllong khubor la ong ba kawei ka iing ka ba dei jong kawei ka longkmie ba la tip kyrteng kum ka Maida Das ka la shah pynjulor phom ha kane ka ‘eriong.Ka Das ka dei ka nongshong shnog jong ka thain Thakurthan ka Dibrugarh.
Ha kawei pat ka jingjia arngut ki briew la ong ba ki la duh ei la ka jingim na kane ka jingjia shah syllad ‘eriong.
Ha kawei pat ka jingjia ka ‘eriong ha ryngkat u ‘lapbah ba jur ka la syllad tyngeh ia kiba bun ki bynta jong kaTinsukia district hynnin ka miet sngi Saitjain.
Ia kitei ki lanot kiba la khlad noh ha katei ka jingjia ki dei kiba la tip kyrteng kum u Deb Kumar Thakur ( 27) uba dei na ki bynta jong ka Line No – 1 ka ba hapoh Bordubi Tea Estate jong ka Doomdooma bad u Bijoy Manki (58 snem rta) una dei na Borhapjan Molan.
