Guwahati, Iaiong 22 :Ha ka jingjia ba dang shen kaba iadei bad ka jingshah kynnoh thombor jong ka nongialam ka seng Congress ka Angkita Dutta, kane ka president barim ka Youth Congress ka la shah weng noh na ka party namar ki jingkynnoh ialeh pyrshah seng.
Katkum ka jingpyntip kaba iadei bad kane ka jingshah beh seng jong ka Angkita Dutta ha ka 22 tarik mynta u bnai ka ong, “U President badonburom ka Seng Congress u la wengkam noh mardor ia ka Dr Angkita Dutta, President Assam Pradesh Youth Congress na ka jinglong dkhot jong ka party na ka bynta hynriew snem namar ki kam ialeh pyrshah party kisi jong ka.”
Kane ka jingshim rai ka la wan long hadien ki jingujor ba la ujor da ka Angkita pyrshah ia u heh nongialam ka Indian Youth Congress (IYC) u Srinibas BV halor ki kam banbor kiba ktah ia ka bor pyrkhat pyrdain, nalor ka jingktahkti bad pyndonkam da ki ktien kiba khor pyrshah ia ka.
Halor kane na ka liang ka seng ka la pan ka jingpynshai na ka Angkita Dutta ha ka 21 tarik mynta u bnai da ka ba kynnoh ruh ia kane ka nongialam ki samla halor ki kam ialeh pyrshah kiba pynthohbria ia ka party Congress.
