Shillong, Iaiong 20: U Chief Executive Member (CEM) jong ka KHADC Bah Titosstar Well Chyne ula ong ba dei ban pynkylla thymmai noh iaka Reservation Policy bad dei ruh ban pyntreikam iaka Roster System nangne shakhamt ym naduh ki por kiba mynshwa.
“Kala dei ka por ba ngin pynbeit thymmai noh iaka Reservation Policy namar ka jylla kala dep ban rakhe iaka jingdap 50 snem bad ngi dei ban rakhe ruh da kaba pynkylla noh iaka Reservation Policy, halor ka nongrim ba ngin peit iaka jingdon briew, katno u Khasi-Jaintia u don briew bad katno ki paralok Garo ki don briew. Nga sngew ba kala dei ka por ban pynkylla noh ia ka Reservation Policy” ong u Bah TW Chyne.
Ula ong, ia kane ka kam dei ban kren bha ruh da ki MLA ka thain rilum Khasi-Jaintia kiba la shah jied ha u paidbah bad ula ong ba lada ka aiñ ka shah dei ban don iaka Reservation Policy kaban bhah lang beit hajuh ia ki jaidbynriew ka jylla.
Haba kylli la ka KHADC ka don ia kano kano ka jingthmu ban leit iakynduh iaka sorkar jylla ban pynpaw ia ki jingpynsngew ha kaba iadei abd kaReservation Policy, na ka liang u CEM ula ong, “Ngan ym pat iathuh eiei mynta, hynrei kila don ia la ka jing ka jingpynkhreh ban leh eiei halor katei ka mat”.
“Ha kaba iadei bad ka jingpyntreikam iaka Roster System, dei ban sdang pyntreikam ia ka Roster naduh ak sngi ba ka iingkashari kala pynmih iaka hukum ne Order naduh usnem 2022 shaneng bad kam dei ban iaid biang 50 snem shadien” ong u CEM ka KHADC.
