Shillong, Iaiong 13: Da ki hajar ngut ki paidbah kynthup lang ki sengbhalang kila wan shim bynta haka jingialang ba pynlong daka A’chik Conscious Holistically Integrated Krima (ACHIK) ha Baghmara South Garo Hills halor ka jingdawa pyntreikam ia ka Roster System jong ka Job Reservation Policy naduh u snem 1972 bad ban dawa pynlong iaka Tura kum ka nongbah ba-ar ka jylla Meghalaya.
Ki nongialam ka ACHIK kila pynsngew sha ki paidbah ban long kiba la pynkhreh ban mih paidbah lada ka jaitbynriew Garo ka shah knieh noh iaka hok halor ka bhah thungkam lane ka Reservation Policy.
U nongialam ka ACHIK ula pynkynmaw ba ki jaitbynriew Garo mynta la palat 50 snem, kila shah ieh bein bad kane ka jingdawa pynsangeh pyntreikam iaka Roster System ka paw shai ba don ki briew kiba kwah ban pynduh iaka hok ki jaitbynriew Garo.
Ki paidbah ba wan shim bynta ha kane ka jingialang kila pynpaw ba ki long kiba kloi ban mih madan ban iakhih lada ka sorkar jylla kam burom iaka snem 1972 ban pyntreikam iaka Roster System.
Kila pynpaw ba kumba long mynta dei beit ban pyntreikam iaka Roster System naduh u snem 1972 bad ka sorkar ruh kam dei ban ai daw da kum wei pat halor kane.
Shuh shuh ki paidbah kila pynsngew ruh ba kala donkam iaka sorkar jylla ban pynbna noh iaka nongbah Tura kum kawei ka nongbah jong ka jylla Meghalaya ha ryngkat bad ka nongbah Shillong.
Ka ACHIK ka pynpaw ba kam shongthait ban iakhih lada ka sorkar ka kylla ia u snem ban pyntreikam iaka Roster System.
Pule lang ia kane: Lah ban leit iasoh noh ka PDF sha ka NPP, hato yn bujli Myntri thymmai u CM ?
