Shillong, Iaiong 12 :Ki shipai ka 181 Bn BSF Meghalaya ha ka 11 tarik mynta u bnai ka la pynlong da ka ‘Civic Action Programme’ ha ki shnong khappud hapoh Baigunkona,Sibbari, Dumnikura bad Namchapara Dist- South Garo Hills bad sam jingiarap sha ki nongshongshnong ka thain.
Ki shipai BSF ki la sam ia kiba bun ki tiar donkam kum ki jingpynkhuid um, ki jaka bret niut, ki cycle, solar light bad kiwei pat ki jait tiar jingdonkam, kata kynthup ïa ki jingïalehkai na ka bynta ki khynnah.
Ha kane ka prokram la wan iashim bynta da kiba bun ki nongshong shnong kiba la pynpaw ruh ka jingai khublei kaba kyrpang halor ki kam ba bha ba la shim da kane ka tnat shipai na ka bynta ki nongshong shnong.
Ha kawei pat ka prokram aijingiarap la pynlong da ka tnat shipai BSF 193 Bn ha ki bynta khappud kiba hap hapoh Rajai, South West Khasi Hills, ha kaba la ioh ban sam ïa shibun bah ki tiar iing tiar sem, ki tiar ialehkai sport, ki kor computer bad kiwei pat sha ki nongshong shnong jong kane ka thain.
Pule lang ia kane: Pynthikna u Sordar ba ka Umiap ka dang hap hapoh Meghalaya
