Shillong Iaiong 08: Ha ka Sngi Thohdieng ha ka por 2 baje mynsngi, kawei ka kali kaba don ia u number AS02M 6557 kala kem ding kynsan ha ka shnong kaba don ha Dudhnoi hajan ka Central Bank.
Ha katei ka kali kila don ar ngut hapoh katei ka kali kiba la mih na Chokpot, South Garo Hill ban wan sha Dudhnoi na ka bynta ban thied iaka thuk thuk.
Hynrei katei ka kali kala kem ding kynsan katba ki dang niah ia ki bad na ka liang u nongniah ula ong, ba katei ka jingkem ding kynsan ka lah ban dei namar ka Short Circuit.
Watla katei ka kali kala kem ding kynsan hynrei kitei ki ar ngut kiba don hapoh ka kali kila lait na kano kano ka jingmynsaw bad la kit noh ia katei ka kali da ki pulit jong ka Dudhnoi Police station.
