Shillong, Iaiong 06: Ka East Jaintia National Council (ENJC) hynne ka sngi Palei kala dawa ban leh eiei pyrshah ia ka jingkhaii tuh ia u dewiong da ki karkhana dewbilat ha East Jaintia Hills District na shabar ka Jylla.
Ha ka dorkhas bala phah sha u Deputy Commissioner ka East Jaintia Hill District, ka ENJC kala ong “Ngi da kyrpad jur ia phi ban shim ia ka sienjam ban leh eiei ha kaban pynsangeh ia ka jingkhaii ne shalan tuh ia u dewiong ha Meghalaya khamtam ha East Jaintia Hills Distrist, na shabar ka Jylla”.
Kat kum ka jingong jong ki, kib bun ki trok ba wan kit ia u dewiong sha ki karkhana dewbilat ha ka disrrict ki dei ki bym don satia ia ki kot ki sla kiba biang.
Ka ENJC kala dawa ruh ba dei ban bthah ia ka DMR Check Gate bad ka Tnad Pulit ba kin khang ia ka jingkhaii ne shalan tuh ia u dewiong khlem ki kot ki sla kiba biang.
“Lada ym lah ban khang ia kane ka jingkhaii/shalan ia u dewiong, kan don ka jingktah kaba jur ia ka imlang sahlang naba tang katto katne ki nongkhaii ki ioh laitluid ban leh business” kala maham.
Ka ENJC kala kynnoh ba ki businessmen bym trei hok, kim ju bud ia ki kyndon jong ka jingpynbna bala pynmih da ka Tnad Mining & Geology ha ka 8 tarik Naiwieng, 2022 bad ong ba kano kano ka jingkhaii ia u dewiong ne kino kino ki marpoh khyndew ha Meghalaya lane lyngba ka Meghalaya sha Bangladesh, ka donkam ia ka jingmynjur jong u Secretary ka Tnad Mining & Geology ka Sorkar Jylla.
