Guwahati, Iaiong 06 :Ka kynhun na ka tnat Directorate of Vigilance bad Anti-Corruption ki la ioh ban kem sa ia uwei pat u nongtrei sorkar mynta ka sngi na Marigaon district ka Assam namar ka jingdonkti ha ka kam bamsap, kata tang hapoh 24 kynta hadien ka jingshah kem jong uwei pat.
Katei ka kynhun ka la kem noh ia une u secretary ka gram panchayat ia uba la tip kyrteng kum u Mukut Chandra Kumar na Lahkarghat Gram Panchayat.
Ia u Kumar la kem noh markhmat katba u dang shim ia ka pisa bam sap kaba T.30,000 na u nong ujor na ka bynta ban pyllait na ka jingleit jurip ha kaba iadei bad ka jingpyntrei ia kawei ka iing.
Uwe u pulit Sub Inspector u la shah kem noh ha ka kynhun jong ka tnat iakhun pyshah bam sap hynnin ka miet sngi Balang kaba u dang pdiang ia ka pisa bamsap ha Nagaon Assam.
Ha katei la jingkhynra ba seisoh kaba dang shu dep, ki dkhot katei ka tnat ki la pynlong ka jingkhynra ha ka por shiteng miet ha kaba u SI jong ka Nagaon Police Station la lap markhmat katba u dang shim ia ka pisa bamsap kaba t.15,000 na u nong ujor khnang ban pynjem ia ka case barim ka jong u kaba dang sahteng.
Ia une u pulit SI ba la shah kem noh la tip kyrteng kum u Suruzul Haque, uba la dei ban shongthait noh na ka kam satang kumba shi bnai ei ei.
